عندي اقتراح يرجى الاطلاع

أخي حنا واختي بنت بو مشعل وكل الاداريين حرصا مني على انو يكون هالمنتدى يلي بجد انا بحبه كتير
وبحس انو في ادارة محترمة ومسؤولة وكوني بعتبر حالي اختكن الكبيرة
فعندي شوية اقتراحات يا ريت تدرسوها حتى يكون منتدانا الافضل والاكتر تميزا وخصوصا
انو انتو كادارة ممكن تتواصلو مع ناصيف وتجيبو الاخبار الصحيحة
وخصوصا انو نحنا الوحيدين يلي عنا منتدى للثنائي
فاسمعو شو رايي
المشكل انو قسم ناصيف وقسم زينة والخاص بالاخبار صاير متل الشوربة يعني لما بدنا نحط خبر بيكون بنفس القسم
ولما بدنا نسال عن اي خبر كمان بنفس القسم
ولما بدنا نحط اي خاطرة عن ناصيف او زينة كمان نفس الشي
يعني كلو سوا
فليش ما بنقسم منتدى ناصيف وزينة
على الشكل التالي
قسم دعم ناصيف بالاعلام وهاد بيختص بكل شي بالصحافة والتلفزيون
قسم اخبار ناصيف وبيختص بأخبار ناصيف ومقابلاته واي شي عنه بنسمعو وانتو طبعا كادارة بتراقبو المواضيع ويلي بيكون مو صح بتحذفوه
قسم عشاق ناصيف وهاد بيختص بخواطر الاعضاء وبيكتبو فيه احاسيسهن وشعرهن ومحبتهن لناصيف او اي موضوع بيحبو بيخص ناصيف
وطبعا الاقسام الموجودة تبع الصور والفيديو
وقسم خاص بناصيف يلي حكيت عنو المرة الماضية بيكتبو الاعضاء لناصيف بشكل مباشراسئلة لما بيدخل ناصيف بيجاوب عنها وبنفس القسم بنترك قسم خاص لناصيف لما بدو يدخل للمنتدى ويوجه اي كلام
للاعضاء او اي خبر منو شخصيااو من اهلو
انا بصراحة شفت منتديات كتيرة وطلعت بخلاصة من نظرتي للمنتديات انو هاد ممكن يكون احلى شكل للمنتدى
وياريت حسب ما فهمت انو بنت بو مشعل على اتصال دائم بناصيف واهله وهيك بنجيب الاخبار الدائمةوالصحيحة عن ناصيف
ويمكن انت كمان يا حنا وكل كم يوم بتتصلو بناصيف لنعرف اخر اخباره وشو عم يشتغل وهيك بنكون المنتدى الوحيد يلي على اتصال دائم بناصيف واخبار ناصيف
وكمان في فكرة شفتها بمنتديات وهي قليلة (الشات) ما يكون الشات التقليديxchat شات سريع وبالالوان متل شات محمد باش
وشات ناصيف يلي بمنتدى تاني بتكون عند البوابة وممكن يدخلها الاعضاء كمان من داخل المنتدى متل هالشات شوف مثلاhttp://www.nassifalzeytoun.com/chat/
وهيك الشات بيخلي الاعضاء تتزايد وتتكلم مع بعضها
بس الاهم هو الاتصال الدائم بناصيف ولما الاعضاء بتشوف انو انتو على اتصال بناصيف وكانو نحنا معو بكل حياته
وبس يرتاح بتكلمو يدخل ويحط كلمة للاعضاء هيك بنكون المنتدى المميز وخصوصا عند ناصيف ولا تنسو اديش ناصيف بيبحكن حنا وبنت بومشعل والكن معزة خاصة
عندو 0 هي رايي وهاد من محبتي وغيرتي على المنتدى الغالي وطبعا نفس الشي يلي قلتو عن اقسام ناصيف بيكون باقسام زينة
فشو رايكن بعرف انو رح ياخد شغل بس صدقوني رح يكون شي خارق وبكرا بذ كركن انو رح يكون المنتدى المفضل عند ناصيف وزينة
تقبلو رايي يا اخواتي والف شكر هاد مجرد راي من اخت كبيرة والكن حرية التصرف وشكرا

شكراً الك اريج ع الاقتراحات الحلوة

وان شاء الله قريباً رح ندرس هالموضوع ونزبط المنتدى اكتر واكتر

بس لحتى يخلص حنّا امتحانات

ان شاء الله حبيبتي انا افكر بهالشي من فتره قبل لا يخلص البرنامج ،،، والاداره اليوم راح تفضى وراح اطرح الموضوع عليهم
وراح ندرسه واكيد المنتدى راقي بوجودكم معانا واقتراحاتكم المميزه

وكل الشكر لج على اهتمامج للمنتدى وفعلا احنى فخورين بناس مثلج معانا ويعطييج الف عافيه